නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
තම සියලුසැප සම්පත් අතහැර ලංකාවට පැමිණ බුදු දහම වැළදගත් විදේශික
කාන්තාවන් දෙදෙනෙකු සසුන් ගත කිරීමේ විශේෂ පිංකමක් ඊයේ හොරණ ඔලබොඩුව ඛේමා ආර්යා භාවනා මධ්‍යස්ථානයේදී සිදු කෙරුණා.මේ එක් කාත්තාවක ඉතාලි ජාතික මහාචාර්ය වරියකි. අනෙක් තැනැත්තිය ජර්මනියේ වෛද්‍යවරියකි.
සසුන්ගත වු විදේශික භික්ෂුනීන් මෙහිදී පැවසුවේ තමන්ට නිර්වාණය අවබෝධකර ගැනිමටත් වඩා වීර්යය වැඩීමට සිත පුරුදු පුහුණු කිරීම ඇති ආශාව මෙලෙස සසුන් ගත වීමට උනන්දු කර වු බවය.
සසුන් ගත වීමට පෙර සිටම සිදු කළ භාවනා පුරුදු කිරීම් හේතුවෙන් තමන්ට මේ වන විටද එක දිගට පැය 4 ක් 5 ක් වුවත් එකම ඉරියව්වකින් සිටීමේ හැකියාව ලැබී ඇති බවත් භාවනා ක්‍රම මගින් තව දුරටත් එය වර්ධනය කර නිර්වාණයට යායුතු මග අවබෝධ කර ගැනීම තමන් වහන්සේලාගේ අරමුණ බව ද ඔවුන් පවසා තිබුණා.
මේ ආකාරයට සසුන් ගතවුයේ තායිවානයේ ධර්මඩ්‍රම් විශ්ව විද්‍යාලයේ මහාචාර්යවරියක වන ඉතාලි ජාතික ජුලියානා (32) ජර්මන් ජාතික වෛද්‍යවරියක වන 42 හැවිරිදි හෙඩ්විග් යන අයයි. ඔවුන් ඉතාලියේ ධම්මදින්නා භික්ෂුනිය හා ජර්මනියේ වජිරා භික්ෂුනිය ලෙසද ශාසනයට එකතු වුණා.
